影片
更多
2019-01-22
301 浏览
最近試咗幾間燒味，都未能令我完全滿意，知道灣仔開咗呢間食評好好就決定來試試。店子在皇后大道中，主打外賣俾附近啲返工人士，店內只有一張面對住牆嘅長枱加兩張高櫈。有唔少人排隊但佢哋做得都算快，唔洗等好耐。我叫咗個叉燒拼油雞米粉，連飲品一枝$49，加個油菜共$59，價錢非常合理。入正題，碗嘢一打開蓋已經聞到香氣撲鼻，急不及待影過相就嗱嗱聲食。最其待的叉燒外表焦紅、內裏係好潤澤好靚嘅梅頭深色肉，一睇就知好 juicy 好鬆軟，而食落果然沒有辜負我嘅期望! 肉味香濃又有適當嘅蜜味，調味亦恰到好處沒有過鹹，肉質鮮嫩多汁，略帶少許肥膏但絕對不過份，總之從一切方面來說都係無可挑剔，可以話係滿分! 至於油雞其實都唔錯，肉質嫩滑味道鮮甜，而且一樣都係冇過鹹，如果係雞脾應該十分正(可以加錢要求但我冇咁做)。呢間野一定會再來 encore 佢個叉燒同試埋其他野!
入正題，碗嘢一打開蓋已經聞到香氣撲鼻，急不及待影過相就嗱嗱聲食。最其待的叉燒外表焦紅、內裏係好潤澤好靚嘅梅頭深色肉，一睇就知好 juicy 好鬆軟，而食落果然沒有辜負我嘅期望! 肉味香濃又有適當嘅蜜味，調味亦恰到好處沒有過鹹，肉質鮮嫩多汁，略帶少許肥膏但絕對不過份，總之從一切方面來說都係無可挑剔，可以話係滿分! 至於油雞其實都唔錯，肉質嫩滑味道鮮甜，而且一樣都係冇過鹹，如果係雞脾應該十分正(可以加錢要求但我冇咁做)。呢間野一定會再來 encore 佢個叉燒同試埋其他野!
23 浏览
0 赞好
0 留言
25 浏览
0 赞好
0 留言
15 浏览
0 赞好
0 留言
张贴
