回到味來 (已結業)

天氣開始轉涼, 又到左開始打邊爐嘅季節, 今晚就黎到呢間樓上舖打邊爐｡估唔到打邊爐都有 2 – 6 人套餐｡套餐唔啱食仲可以散嗌｡醬料除左醬油 & 白醋外, 仲有6 款配料 (芫茜、炸蒜、蒜蓉、辣椒、唐芹、蔥花) 可以自由搭配｡清湯湯底揀左個清湯湯底, 但唔好以為清湯就咩材料都冇, 其實湯底入面有大量娃娃菜 & 滑豆腐｡藕帶 (餐前小食)職員會送上一碟叫 “藕帶” 嘅餐前小食, 原來藕帶即係蓮最幼嫩嘅根狀莖, 醃製後味道酸酸辣辣, 非常開胃｡墨魚仔 只要係 9 點前入座, 火鍋店都會送一客墨魚仔｡黑松露雙拼滑雙拼滑即係墨魚滑 & 蝦滑, 一次過可以滿足晒兩個願望, 蝦滑味道夠鮮, 而墨魚滑就又滑又彈牙, 兩款滑仲有淡淡嘅黑松露香味｡炸五餐肉即叫即炸, 而且仲係厚切, 無論就咁食定係打邊爐用, 都一樣美味｡雪花肥牛油花較均勻, 薄切後涮幾秒就食得, 口感唔錯, 肉味幾香, 絕對唔係廉價貨色｡ 特級牛舌經驗話我知唔可以涮太耐, 否則會影響口感｡ 同樣係薄切, 涮幾秒就 OK, 肉質清脆有咬口｡蔬菜Order 左金菇 & 娃娃菜, 份量唔少, 而且非常新鮮, 盛載娃娃菜嘅筲箕都好特別｡即炸響