樸一拉麵

营业中

休息中

同朋友時時都出旺角上堂，每個星期都要喺呢頭搵食，心血來潮想食拉麵，朋友推介呢一間餐廳，去到以為要等位，可能時間尚早，好好彩只係等一張枱就可以入去想來嘅朋友，下次早啲可能就唔使等位都有幾款拉麵選擇，有蝦湯有蟹湯，不過因為唔太肚餓，就簡單地揀咗醬油拉麵，試下基本嘢先。配料唔複雜，木耳紫菜蔥同埋重點的肉，湯底好濃，黃麵有蛋味，整體配搭都唔錯，不過湯底稍為鹹咗少少。可能下次試吓豚骨湯底會清淡啲，但如果重口味既朋友醬油都係唔錯嘅選擇。價錢唔貴，不失為一個醫肚嘅選擇👍