小蓉麵家

营业中

休息中

係太子附近happy hour完，同朋友想食小小野醫肚，見到呢間食麵既店就入左去。門口大大隻字寫住手工鮮蝦雲吞，咁我當然要試一試，叫左個雲吞魚蛋麵。同行朋友就叫左個豬膶麵同少少小食。枱面上面擺住一樽蘿白，蘿蔔好酸好開胃，食住等麵到岩曬。雲吞麵雪吞大大粒，份量十足，皮薄餡靚，魚蛋亦都好彈牙。小食我地叫左蘿白，炸雲吞同炸墨魚丸。蘿白好甜，湯汁煮到入晒味。而個炸雲吞同煮既好唔同，亦都值得一試，配埋個酸辣醬食好match。