火五越式牛肉粉專門店 (華生樓) (已結業)

同朋友喺太子覓食，諗住簡簡單單，經過呢間越南餐廳，冇乜考慮，就入去食個early dinner😁我叫咗$56嘅「香茅美國黑毛豬撈檬」，豬肉整得好軟熟，好似有啲炭燒嘅風味；有大量紅蘿蔔絲同青瓜絲，加酸甜汁同檬粉撈埋一齊食幾好味😋。仲叫咗杯$19嘅「凍越南三色冰」，凍冰冰甜甜哋幾好飲，飲完發覺唔夠喉，再加多杯$16嘅「港式奶茶」，幾香幾滑😋朋友就叫咗$59嘅「魚翅花膠雞湯檬」，佢話都有幾多花膠，雞肉幾結實，仲真係有啲魚翅😁，整體幾好食😋；佢仲叫咗$19嘅「凍越式香滑濃咖啡」，佢話夠香濃😋另外我哋share咗$19嘅「蠔油唐生菜」；呢個係簡單美味嘅一餐😋