彌敦左岸

营业中

休息中

台慶日亦係我同小胖男友既紀念日 梗係要去食餐好 撐枱腳啦朋友話尖沙咀有一間野食同環境都ok既西餐叫我哋去試下 去到見到 原來係餐廳+酒吧黎 但係佢唔同一般嘅酒吧 環境好舒服又唔會好嘈Menu都好多選擇 叫左個好特式既低溫慢煮三文魚藜麥香芒沙律, 美式煙燻醬燒西班牙黑毛豬肋骨, 同龍蝦銀魚柳辣椒蕃茄水瓜榴捲纸通粉真係冇揀錯 個三文魚藜麥沙律真係好靚慢煮三文魚既肉好滑 藜麥又唔會好硬 再加黑醋同芒果 配埋一齊真係好好味食完個沙律 跟住就係黑毛豬肋骨 原來半份已經好大份 好彩我地只係揀咗半份開頭選擇嘅時候都驚煙燻會變乾 但啲肉煙燻完都juicy好多肉汁另外要讚一讚佢嘅薯條 真係做得好好 乾身香脆唔油膩 連平時唔算好鐘意食薯條既小胖男友都食咗半兜跟住再上個龍蝦捲紙通粉 隻龍蝦真係好新鲜同幾多肉 通粉硬度適中 啲汁仲啱啱好 唔會太辣同太酸黎得酒吧當然要試下d野飲啦 叫左一杯Left Ice同Peachy Coco小妹杯Left Ice其實係mix berry黎 酸酸甜甜 好滑好好飲呢一餐唔算好貴 朋友真係無介紹錯小胖男友週年快樂again