叉燒大王

营业中

休息中

昨晚朋友家出了點事，陪她處理完，就在附近簡單食個飯，朋友便推薦叉燒大王。甫入座，職員已經迅速開茶開位，反應算不錯👍，服務務度都ok ! 啫啫通茶煲，夠鑊氣，又唔會太油、太咸，唔愛食菜的我，都食左勁多！朋友推薦食燒味，話有水準，但晏晝已經食咗叉燒飯，所以揀咗燒鵝。水準都唔錯，尤其嗰隻脾皮脆肉嫩，正！回味咕嚕肉一啲都唔回味！菠蘿肉同肉分開炒，完全食唔到咕嚕肉甜甜酸酸嗰啲味道😒，仲要啲菠蘿出晒水咁，唔合格！整體而言，睇埋隔離枱啲餸都係一間有鑊氣嘅餐廳，水準都唔錯！不過，專登嚟食啦我覺得就唔洗啦，行開附近都係一個選擇嚟嘅！