Global Work Cafe by UCC (已結業)

兩位靚靚姊妹約我星期六去食tea , 三人行食high tea比較麻煩，大部份for two多 ！打算揀一間可以静静咁傾下計 ，又坐得耐嘅cafe，最後揀咗位於世貿嘅UCC 。是日靚女車去攞位先，星期六都蠻多人㗎 ，等咗20分鐘左右先入座。我放工趕到來，已經無晒沙律bar啦，不過下午茶時段有几款tea set供應……1.海鮮意大利燴飯(龍蝦汁)($74)  : 海鮮唔多，得兩隻蝦、几件魷魚圈、三件西蘭花及蕃茄等。飯粒比較濕潤腍身。2.照燒雞肉三文治($72)  : 雞肉切薄片，肉質偏乾 ！好在三文治有烘底 ，脆脆地好食啲！3.綠茶紅豆法式多士($69)  : 多士口感似西多士，只是西多嘅花生醬+牛油換咗做綠茶雪糕+忌廉紅豆啫！可惜紅豆蓉實在太少了 ！每款tea set包咖啡/紅茶/橙汁。我地三個都不約而同地揀最健康嘅橙汁嚟飲 ！傾下坐下，咁就4點几，都几hea㗎！