緣味小聚 (金百利廣場) (已結業)

同事今日last day中午我地一齊出去食飯，主角話想食小炒。我地就揀咗呢間係公司附近嘅餐廳。唸住近啲可以食耐啲。女仔都唔想食太飽，首先肚腩會突出嚟，其次食得太飽好眼訓，胃脹住脹住都唔舒服。所以五個女仔都係點咗3個餸。鮮菌皇豬爽肉：炒得好嫩爽，菇煮得好入味，索晒啲汁。脆薯仔牛柳粒：本來係呢啲小店食小炒我都唔期待牛柳粒可以嫩口，但食落軟淋香嫩，唔會有乾柴嘅感覺。魚香茄子：好香口，拌飯一流，但又要忍口，好辛苦。