經典古早味蛋糕

营业中

休息中

最近古早味的熱潮都幾犀利，行過深水埗黃金就發現呢間開業不久的經典古早味蛋糕～就決定入內買兩、三個成班同事開心一下。貼心係呢間可以半件選購，古早味蛋糕總共有7種口味。分別有經典原味、流心朱古力、經典芝士、流心芝士、肉鬆味、黑糖味、綠茶味～最開心就見到全部口味都可以買得到，幸好不用等出爐時間夠彈性。經典原味只需$50/件，配合斜格菠蘿包紋更吸引！另一貼心係可紙盒的手抽位可靈活變，買多幾個就可以一盒盒疊起好方便。古早味蛋糕食過好幾間，無論蛋糕質感同味道 經典古早味 真令我驚豔到！ 蛋糕隔左一晚係無翻熱情況下，仍能夠保持蛋糕體嘅綿密濕潤口感，味道比顏值更高分。 綠茶味最驚豔無估唔到甘濃郁綠茶味，質感同樣濕潤，有種日式高級甜品嘅綠茶香有驚喜～流心朱古力夾層有爆漿朱古力，朱古力愛好者一定唔會失望。肉鬆味除頂層舖滿肉鬆外，夾層同樣有肉鬆，重點超有蛋香味，超綿密濕潤。