紅葉茶屋 (海之戀商場)

做完野，一家大細行完商場再醫五臟廟，行過見到呢間裝橫簡約日式餐廳，仲有榻榻米坐吓。
豪華原條鰻魚茶漬飯
可以揀鰹魚湯/蝦湯，鰻魚肉厚味濃，每啖都感受到飯、魚、湯嘅香氣完美混合

和牛壽喜燒
一鍋入面半肉半菜，肉軟菜淋索晒湯汁，餸飯一流，呢度可以添飯所以咁就ko咗兩碗飯。

期間限定和牛茶漬飯
呢個都係和牛，不過就多左份焦香，可以就咁食一半先，淨低再茶漬，一飯兩吃

白玉紅豆抹茶蕨餅
太太非常喜歡的一個甜點，配上楓糖漿甜入心。

而呢個就係女兒至愛，自選芭菲，將所有鍾意嘅元素放晒一齊，無得輸，食到舐舐脷。

咁就過左簡單幸福嘅一晚