小食價錢唔貴，而且做得味道幾好，雖然唔係咩特別，但勝在香港人良心小店，唔會平價但質素參差，絕對係滿意比足分。推介鹽酥雞粒，熱辣辣又鬆軟，唔會太油。細細份十五蚊，但份量一定夠食，唔怕大晒鬼。
另外朋友叫左個邪惡芝士旦包飯，炒飯底加香濃芝士蛋❤️推介！！！！
再另外一次晚上上完堂成十點半十一點，老闆都肯比我地成班人買野，係咁加單唔嬲，係的確好多謝佢咁都肯理我地。
依條街的小店以前成日轉手，元朗人元朗學生對依個位置一定熟悉，希望小店可以keep住係元朗小區生存，街坊支持各個小本生意仔，咁大家先有多選擇，又有平民小品生活，唔使下下入商場。
最後希望小店質素保持，加油！！！
