吔嘢事無所 (已結業)

之前同朋友經過，我見好多人買外賣，跟住仲見到而家好紅嘅Croffle想試下，所以今日lunch黎咗食。佢嘅嘢食全部改咗好多好有趣嘅名，我叫咗嗰個叫做「超蛋強強治」，係有炒蛋同埋糖心蛋。佢係即叫即整，炒蛋有落咗啲香草嘅，非常香&滑。個包有少少醬，食落唔似係沙律醬，我食唔出，但overall唔會覺得好"漏"嘅，幾好食。仲有， 雖然佢係港式嘅三文治，但佢唔係茶記咁就咁比個盒你，而係好似subway咁有層紙包住，所以唔會令人食到成手係，good!! 朋友就叫咗一個叫做「黑色的菇治」，其實就係炒蘑菇配炒蛋，我仲聞到有少少黑松露味。 跟餐叫嘢飲有特價，所以朋友叫咗一杯「群星閃耀時」，係呀Jer嗰首歌！其實就係蝶豆花鮮奶草莓，最底下係一啲草莓醬，最上面藍色就係因為蝶豆花。佢飲落去入面仲有d一粒粒類似果凍嘅野，而且真係星形㗎喎！真係配合佢個名！我地兩個人都嗌三文治冇嗌飯就係因為想留肚食croffle﹐ 其實就係將個牛角包再放入去窩夫機度變窩夫。一打開就好覺得有好香嘅牛油味。我哋嗌咗嗰個係「宇治麻不甩」，有啲麻薯係中間，仲夾咗紅豆蓉同埋有啲抹茶醬。食落去唔會好甜，同埋依然係非常脆！ 大大滿足咗我甜品胃，