OLYMPOS Restaurant & Bar (已結業)

以前如果要搵多國菜，成日都要出尖沙咀又或者中環，而家喺屯門入邊都有一間土耳其小店，店員主要係講英文但係都識得聽少少廣東話，今日係星期日嘅中午，所以多數客人都喜歡坐喺店外嘅露天位置，我一個人就揀咗坐喺店入邊嘅門口位，靜靜地咁樣聽吓店入邊嘅音樂但係又感受到出邊嘅熱鬧氣氛😜今日就揀咗一個烤羊肉沙律，雖然羊肉係切碎，但係味道真係唔錯，而且唔油膩，下面嘅沙律雖然係椰菜之類嘅嘢但係feel到啲洋蔥都係暖暖地嘅，另外配上三種saucers ，除咗中間海鮮醬，白色嘅忌廉醬同埋綠綠地色嘅醬我覺得最好食，價錢$75埋單，我覺得合理。