Buttery Factory (已結業)

成日喺銅鑼灣行行企企都唔知做乜好，所以間唔中都會去銅鑼灣地帶探下冬甩姐姐同哥哥😂今次又黎食叮噹個仔~~~冬甩Buttery Factory出名創新又靚嘅冬甩🍩藍色雲尼拿綿花糖冬甩🍩大家聽到雲尼拿，都會諗起白色雲尼拿🤔今次呢個冬甩呢，就用左呢隻好靚嘅Tiffany Blue雲尼拿💙好靚呢！加上Buttery Factory嘅冬甩，次次上面嘅配料都好重手🙊睇下上面嘅棉花糖😚由於我返到屋企先食個冬甩，叮左大概十五秒，上面嘅雲尼拿醬同棉花糖都有少少微溶嘅😆食落又唔算好甜，對於我黎講呢黎微溶狀態、又有少少暖，好好味呢😆成日都話，呢到嘅冬甩好睇又好食😉不過食完都真係有啲漏。又但係香港又真係得呢到先有咁有創意、又有甜有咸嘅冬甩☺除此之外，其實簡簡單單嘅冬甩一樣好好味嫁Earl Grey Dount雖然茶味唔濃，但係都食得出嘅 ; 冬甩上面有一薄薄嘅糖霜，唔會太甜太膩而冬甩好軟熟，加上店主整熱個冬甩比我食，令個冬甩十分之香❤️我超級中意呢個冬甩呢！雖然對比其他精緻冬甩，呢個平平無奇，但係簡單就是美呢！