萬芳冰室 (已結業)

其實我唔知咩叫沙丹豬扒飯 😂不過見個名幾特別，所以就叫黎見識下🤔原來係有煎太陽蛋，菠蘿片，火腿同豬扒。我估太陽蛋🍳英文「sun」☉同「沙丹」差唔多音所以叫沙丹?🍍菠蘿片形狀都似「sun 」其實😶雖然汁方面只有豉油，但有時簡單都有佢既好味，火腿扒唔似一般火腿咁薄，有啲厚度，所以口感比較好，有咬口。菠蘿香甜，為不太咸既豉油飯中帶黎清新感覺。鬆軟既豬扒經糖鹽豉油慢慢香煎後，肥瘦得宜既豬扒保留到juicy肉汁，yummy😋朋友們選擇左簡單既常餐，雞湯米清而不膩，米粉幼細，叉燒通粉份量唔少，雖然唔係最好味果種蜜汁叉燒，但叉燒肥瘦適中，味道唔錯。炒雞蛋有啲過火老得制，牛油多士尚算香脆。