深宵食堂 (已結業)

假日當然係要去食好西啦，其實好想去巴b橋，但係又唔想走去郊外度燒野食，最後決定左去食串燒呀。呢度可以涼住冷氣，即叫即燒，都幾方便，而選擇款式都唔少呀。食串燒又點少得食雞翼呀，粒粒海鹽在香脆外皮上面佈滿，塊雞皮雖然好罪惡，但係最後都抵受唔住食左落肚。芝士脆肉瓜，幾過癮既一味串燒，因為脆肉瓜本身係幾多汁，而且係鮮甜味，但on top加上芝士黎燒，係將芝士香味滲晒入去瓜度。燒白鱔，係非常香口既，白鱔皮燒到脆卜卜，肉質就保留返白鱔既嫩滑，加上獨特燒汁，真係食到lam lam脷呀。黑松露帶子，燒帶子一向係串燒既保證，帶子肉經過高溫處理後無變濃，上面放上黑松露醬令整個帶子昇華不少，味道比淨帶子更豐富。