影片
更多
2009-10-11
63 浏览
11-10-2009好日都唔食一次泰菜的阿爸今日竟然提議嚟呢度 dinner, 一行 4 人又嚟睇睇. 叫了一菜一粉一雞一咖喱, 一人一杯飲品及一堆沙爹串燒, 整體印象係十分唔錯!凍薏米水: 夠凍, 甜度剛好, 份量好多的薏米粒粒分明有咬口, 清甜解渴 不過實在好大杯, 最後係飲唔晒的.海南雞 (半隻): 雞皮都算薄及爽口, 黑肉好嫩滑, 白肉唔嚡但太硬了; 醬汁就酸多過辣, 味道欠點層次, 不過整體都幾好食.脆肉炒椰菜苗: 鑊氣一般, 不過椰菜苗幾嫩;「脆肉」係炸豬腩肉, 不過唔多「脆」, 亦無預期中的鹹香; 配角的大量蒜蓉粉粉的又帶點甜, 最好食反而係佢.(黃)咖喱炒蟹: 大家怕辣, order 時想叫「少 d 辣」, 阿姐反而話「唔辣0架」 嚟到又真係唔辣, 但混入蟹汁及蟹膏的咖喱汁當然十分香濃, 帶點甜, 質地杰身, 用嚟搽蒜蓉包實在一流, 正 走過油的蟹亦幾好食, d 膏多到頂晒角的 肉就較散較霉, 不過人哋又唔係肉蟹, 算係咁0架喇.蒜蓉包: 烘得鬆脆, 不過空口食的話, 係零蒜蓉味的, 配咖喱好食好多!雜錦沙爹串燒 (牛, 雞, 豬): 唔夠搶,
好日都唔食一次泰菜的阿爸今日竟然提議嚟呢度 dinner, 一行 4 人又嚟睇睇. 叫了一菜一粉一雞一咖喱, 一人一杯飲品及一堆沙爹串燒, 整體印象係十分唔錯!
凍薏米水: 夠凍, 甜度剛好, 份量好多的薏米粒粒分明有咬口, 清甜解渴 不過實在好大杯, 最後係飲唔晒的.
海南雞 (半隻): 雞皮都算薄及爽口, 黑肉好嫩滑, 白肉唔嚡但太硬了; 醬汁就酸多過辣, 味道欠點層次, 不過整體都幾好食.
脆肉炒椰菜苗: 鑊氣一般, 不過椰菜苗幾嫩;「脆肉」係炸豬腩肉, 不過唔多「脆」, 亦無預期中的鹹香; 配角的大量蒜蓉粉粉的又帶點甜, 最好食反而係佢.
(黃)咖喱炒蟹: 大家怕辣, order 時想叫「少 d 辣」, 阿姐反而話「唔辣0架」 嚟到又真係唔辣, 但混入蟹汁及蟹膏的咖喱汁當然十分香濃, 帶點甜, 質地杰身, 用嚟搽蒜蓉包實在一流, 正 走過油的蟹亦幾好食, d 膏多到頂晒角的 肉就較散較霉, 不過人哋又唔係肉蟹, 算係咁0架喇.
蒜蓉包: 烘得鬆脆, 不過空口食的話, 係零蒜蓉味的, 配咖喱好食好多!
雜錦沙爹串燒 (牛, 雞, 豬): 唔夠搶, 只食了牛肉, 夠嫩腍, 帶點肉汁, 醃到甜甜的, 都不錯; 沙爹汁就夠晒甜辣惹味, 好食.
泰式蝦肉炒金邊粉: 夠晒鑊氣, 配料有幾爽口的蝦, 蛋, 豆乾, 芽菜 etc, 金邊粉煙韌度一般, 味道酸多過甜, 幾啱口味; 唯一唔好就係幾濕, 我都係喜歡乾身一點的.
環境帶點「街坊」feel, 光猛衛生; 阿姐們係泰國人, 有求必應又快手快腳, 招呼 ok.
每人約 $110 埋單, 唔貴, 值得試試.
张贴
