西貢星越泰風味館 (已結業)

今日去咗威爾斯探病，之後行過第一城醫肚，時間剛剛好，去到第一城可以食到下午茶餐了。近年多咗越式湯粉的食店，好似每個商場都梗有一間咁，對於我來說都幾好，因為湯粉比較濕，唔會太過飽飽。同個朋友兩個人，一人一個餐，方便又實惠。越式生牛肉湯粉：我本身係好牛人士，所以揀好LEE個，牛肉真係好生，不過湯底好夠熱，不需一會就熟透了；湯底係偏鹹了點，但都可以接受；我揀咗金邊粉，因為佢有些近似河粉，幼身一點，無河粉咁飽，所以可以食得晒，唔會浪費；睇相就知，佢比咗好多蒽，如果今日老公陪我食又唔記得走青就大件事啦！香茅滑雞湯粉：可能係用香茅，所以雞肉唔係想像中的滑，但味道都可以啦！