三五碗車仔麵

营业中

休息中

長沙灣附近小店林立，望到呢間個燈牌都幾搶眼。呢度唔淨只車仔麵咁單一，仲有串燒同雞煲，提供相當豐富既選擇，就算幾個朋友入嚟，都有好多嘢食揀。車仔麵車仔麵個選單多到數唔晒，招牌胡麻辣湯底唔會好辣，配米線又幾夾。蝦卷油炸感一流，好脆口，好多地方既炸蝦卷都搵唔返呢個感覺，一定要試。至於魚蛋，水魷魚，腐皮魚角呢啲車仔麵日常一樣有水準。口水雞油渣重慶酸辣粉酸辣粉加左豬油渣，一次過滿足晒兩個願望。除咗酸辣香，仲有鹹香，非常邪惡，食到停唔到口。而口水雞則加入芝麻醬，正好與本身的辣帶來剛柔並重的感覺。串燒類都好有水準，拍得住串燒店。燒茄子同菠蘿都係大大件，牛肉串好香孜然味，金菇沾滿牛油香，蒜蓉粉絲扇貝夠惹味。