新美棋餐廳小廚

营业中

休息中

自從山景邨商場重新裝修後，開始多番去山景邨午餐。最近疫情有輕微改善，附近中學生、小學生開始可以全日返學，午餐時段成個山景邨嘅餐廳都變得好多人。比較容易搵到位嘅就係呢間新美琪茶餐廳。今次係第二次幫襯，又係因為山景邨周圍好多人，所以再次入咗呢間茶餐廳。今次叫常餐配凍檸茶，凍檸茶上枱一眼已見到茶色清晰，杯底檸檬係已經篤過晒。心諗餐廳服務真好，會幫客人篤檸檬，但有點擔心會篤到檸檬皮令杯茶苦澀。我首先好小心整上杯面睇清楚係咪真係已經篤左，確認篤過再問清楚侍應水吧係咪會幫客人篤檸檬。可是，侍應一口就話唔會幫食客篤檸檬，跟住我就示意我杯檸檬茶啲檸檬上枱前已經篤爛哂，個侍應粒聲唔出又走開咗，隔咗一陣間先返嚟，話幫我換杯凍檸茶。有咁好服務，真係世間難有。