東京築地拉麵 (已結業)

去完濕地公園，來到天水圍銀座搵嘢吃，見到間『東京築地拉麵』都幾多人幫襯，就呢間啦。得意嘅裝白芝蔴小罐都係第一次見。跟餐的小食亦好味吖。呢個係爐端厚燒鰻魚丼，鰻魚够厚肉，配埋極尚鰻魚燒汁及蛋絲，好吃，但如果可以多些少配菜，會更豐富滋味。呢個係味自慢叉燒拉麵，點解叫味自慢呢，唔係好明。但唔緊要，拉麵中三舊叉燒都幾juice，幾嫩滑，半個溏心蛋亦唔錯，筍片超好味，唯獨提醒吓大家，麵份量不算多，女仔够吃嘅，男仔就未必够啦。呢杯跟餐蜂蜜綠茶最驚喜係入邊嘅蜂蜜珠珠，嗒落好味