東京築地拉麵 (已結業)

Item: 東京築地拉麵
Rating: 3
Author: Welsaly Chan

Tokyo Tsukiji

70 食记

味道

环境

服务

卫生

抵食

497

天水围

$51-100

日本菜拉面

Welsaly Chan

等级1

本身都係成日幫襯築地因為鍾愛日式拉麵同串燒料理而且價錢亦吾算太貴食物亦都算係同價位內美味首選。
之前我係旺角返工每個禮拜最少都有4日以上係築地到開餐都算係半個熟客仔。
呢個月搬左入黎天水圍到住見到銀座1期
都有築地隔離就係太興同馬會就約左一班朋友仔去踩場
睇下天水圍築地同旺角築地有冇大不同
去完真係 !!吾去好過去 !!!
前幾日見到吾係太多人等位一去到就有位坐
入到佢我地一班人搵左個卡位黎坐
鋪頭裝修真係一般般一啲特色都冇同旺角居酒屋又有日本水墨畫比緊係輸成條街話哂都係市區同新界地方比始終都係差少少可以體諒
吾緊要餐廳始終都係食物先係主角
一打開餐牌見到好多本身旺角有既野都冇左
串燒拼盤壽司卷物刺身蚌洋蔥圈脆脆豬
沾麵仙境沙律燒酒月見豚丼就算menu上有的幸運彩虹虎蝦灸揪(和牛丼)都係假的實質上都係冇非常失望
我有幾次澳門返香港係屯門碼頭落船
屯碼間海趣坊都有築地都有試過
食物既選擇都幾多同旺角差吾多
仲有啲菜式係旺角冇既得佢獨有
綠茶多士好味一試難忘一定要試大力推介
食物水准都可以服務都ok
所以吾知點解天水圍呢間點解咩都冇
咁我唯有選啲餐牌上面有既野食啦
我自己叫左一個日皇炸雞綠魅拉麵
煎餃子同埋泡菜雞翼跟餐送杯野飲
我要左 3。6牛乳咖啡
朋友叫左牛丼海陸空串燒拼盤黑鬼拉麵
仲有啲其他小食
上菜速度都算可以落單后15分鐘左右都全部上齊
但吾知點解飲品等左差吾多半個鐘都仲未到
事先聲明我吾係一個催單主義者
但我覺得一杯飲品都吾算難整店內又吾係多人點解會咁呢我生平第一次叫待應問佢係咪落少左單佢話幫我check下禮貌都算幾好
見佢後生女應該都係暑假工果啲黎
佢走過去廚房同一個化妝化得好濃既嬸嬸
講:[?姐(吾記得鳳姐定芳姐) 有冇幾多號枱既單?]
化妝好濃既果個嬸嬸冇理到佢最誇張既係個嬸嬸竟然攞住個掃係到補緊妝我即刻想將放左落口既野全部嘔返哂出黎
跟住個女仔待應再問佢 :[可吾可以沖左杯咖啡比個客先個客等左好耐]
跟住化妝個嬸嬸做左一個叫人收聲安靜既動作
嘩見到佢啲指甲好長粉紅色既
如果吾係做廚房都會覺得佢啲指甲都幾令
但諗下佢用啲咁令既指甲黎沖野比人飲就真係吾多想飲
個女仔待應走返過黎同我地講冇落少單已經整緊叫我地等多一陣係咁講吾好意思搞到我地都吾好意思我個 friend 問個女仔待應
果個化妝好濃既嬸嬸係咪成日都係咁
個女仔待應話係 :[成間鋪頭佢最大上面有人撐佢腰成間鋪頭都吾鐘意佢鋪頭員工都吾會食佢整既野好多人都比佢罵有經理總裁老闆果啲落黎巡鋪就會扮哂野平時都吾會做野好識擦鞋成日都想管埋樓面既野話其他人好難溝通逼走左好多新人投訴都冇用因為佢有後台照住。。。。。。。。。。。。。]
佢講完一大輪我地都吾知講咩好
唯有安慰下佢叫佢比心機加油
過左5分鐘之後另一個女仔待應都走埋過去叫果個化妝嬸嬸可吾可以沖左杯野飲比另一枱客跟住我見到佢叫左後面既人幫佢整野飲
佢就行左去隔離㩒手機仲罵個待應叫佢吾好催佢好忙好多野做吾似得你地班低級員工。。。
之後見到個女仔待應眼紅紅走左去鋪頭后面喊

心裡面慶幸好彩我返工既地方冇啲咁既人係到
社會上面真係多吾公道既事發生今日又見多左一樣心裡面都有啲感觸想當初我年輕既時
候我遇到啲咁既人我諗我會即刻遲工咁就吾會有今日既我

天水圍比人感覺人情味濃更加拍成電影
估吾到有個化妝更濃的嬸嬸最后我同我一班朋友子都冇飲到佢地既飲品原封不動俾返佢地雖然係跟餐免費但都令我地對築地品牌大失所望。串燒有啲吾熟生生地都可以接受但係一個一路化妝一路整野比客人食既廚師整既野免費送比我都吾會食我怕食物中毒得不嘗失

最後我偷影左一下果個化妝好濃既嬸嬸側面
我都驚比佢罵吾敢正面影佢

天水圍築地只此一次永不再去!!!