稻八日式火鍋炸物放題 (已結業)

荃灣都有唔少火鍋🥘，不過我都係鍾意上次嚟食過呢間稻八，好好味又多嘢食，環境寬敞，又有日式feel🎎🎏，今日同家姐兩個過嚟撐吓檯腳先👭。呢度有好多價錢款式選擇，由每位$158至$368不等，如果夜晚9點半後嚟幫襯仲全單85折添，超抵食呀。我哋揀咗一款稻八海鮮餐，有海鮮拼盤一份，羊🐐、豬🐷、雞🐔無限添加。海鮮拼盤有虎蝦🦐、青口、蠔、八爪魚🐙、北寄貝、螺🐚、蜆等，而且樣樣都好新鮮。湯底選擇好多款，我哋揀咗個九洲豬骨濃湯🥘，果真夠晒濃味，豬骨味都好出。呢度仲有得自製天婦羅🍤，客人可以揀自己鍾意嘅款式，款式都有十幾款，有蝦、煙肉腸、特級魚蓉燒賣、灸燒芝心丸等等。然後跟住指示點啲炸漿同米糠去爐度炸就可以。有得玩，又有得食！😉自助吧有好多蔬果蔬菜🥒🌽🥕。多款飲品任飲。🍹🍷🍸甜品有阿波羅三文治、雪糕糯米糍、綠茶蛋糕、泡芙等，埋完單仲有haagendazs或者movenpick雪糕添呀，正呀，我梗係梗咗雪糕之王movenpick啦🍦！