香港地 (已結業)

第一次試下美心旗下既香港地。聽朋友講，食物出品係唔錯既。既然有美心呢個品牌效應，心諗唔會唔得掛。

今日中午就去左奧海城呢間。由門口㩒電腦攞飛（攞完之後，坐喺傍邊個收銀亞姐先至出聲講話唔洗攞飛，自已入去有位就坐低...），到坐低左想搵個亞姐執一執枱（上一枱客啱啱食完出左去埋單），成個過程俾我覺得喺樓面係完全冇人做嘢既...

嘗試叫行過既亞姐亞哥執枱、落單，佢地一係唔啋我，當睇我唔到，一係就覆我話佢唔識落單...

再望一望，啊，原來喺最入面有一枱4-5個員工用饍中，難怪... 心諗：成12點打後，都唔早架啦...

最尾，終於都截住左一位亞姐幫忙成功落單（如果呢次都落唔到單，都有諗過放棄...）。

其實呢，落左單之後既體驗，就回復「正常」喇，我地叫左豬扒餐、麵餐嗰啲，出餐時間同質素都可以架，真係輸左喺招呼服務嗰度。