居食屋「和民」 (置富都會)

置富食飯其實都冇咩選擇，咁岩行過和民，就入去食個午餐。
環境乾淨，服務都ok。
餐牌嘅食物選擇好多，睇落好吸引，定食又幾抵。

滑蛋豬柳鍋定食

$63

叫左個滑蛋豬柳鍋定食，都係一般定食有埋嘅湯、沙律。
滑蛋唔算係好滑，少硬身。
豬係有炸過，幾脆，而且吸曬啲汁，應該係洋蔥汁，好入味。
豬肉食落都新鮮，唔會有冰鮮味👍🏻

但係，真的十分咸，一定要送飯食。
最後飯食曬，淨返兩塊豬都食唔落了，真係太咸。

薑蜜柚子茶（熱）

薑蜜不錯，但如果唔中意薑嘅人，或者小朋友，可能會覺得辣喉嚨唔舒服。