韓吧料理 (已結業)

鐵板雞肉沒有太大驚喜，味道一般，就似普通炒雞柳，唔嗌都可以。溶岩炒飯不過不失，個炒飯就係普通泡菜加飯炒埋一齊，上枱時店員會加上蛋漿同芝士一齊炒，口味單調但味道尚算不俗，好多芝士。飯卷望落足料但唔知點解無乜味。要食好味飯卷都係去尖沙咀韓國街。炸雞大部分無骨，啖啖肉，個醬酸酸甜甜好醒胃，食多幾件都唔怕膩。推介推介！總括而言雖然味道一般，但勝在價錢便宜，朋友聚餐都可以考慮。