富臨漁港囍臨門酒家 (已結業)

一個星期日既晚上，同幾個朋友們呢度食餐飯。呢晚都算唔太多人，唔知點解呢？素鵝豆腐豆腐整得好香，係新鮮炸既。好脆口，卜卜脆。個素鵝就無乜特別，不吃也可以。菜遠牛河本來係食炒麵，但無哂先食呢個。都唔差既，牛肉算幾淋，汁又唔會太鹹。脆皮燒雞一食就知係冰鮮雞，但都好有雞味。皮脆肉滑，但要彈既係醃味太鹹，呢樣要改善一下。燒鵝呢個係送每人半隻，係好細好細隻。無乜特別。蟹粉小籠包其實同普通既小籠包分別不大，只係多左蟹粉同黃油。都幾好食既，皮薄多汁，但食到成咀都係油。椒鹽鮮魷一次差過一次，今次炸粉唔多。但好細舊，而且魷魚係無味既，好唔得呀。食物都可以既，但鮮魷真係好唔得。服務都不錯，收野都收得幾快。