叫咗個～船麵，蟹肉炒飯，蒜蓉辣椒炒軟殼蟹，雞肉嘅生菜包。
船麵正常濃湯底，炸豬皮，牛丸等，味道正常，係牛丸無驚喜（因為唔係彈牙果隻）。
雞肉生菜包，唔夠辣，可能係落咗啲「青檸汁」，所以酸酸哋，酸酸哋嘅生菜包，個人覺得嘛嘛。
蒜蓉辣椒軟殼蟹，反而呢個炸得唔錯，送酒一流。
蟹肉炒飯～夠鑊氣，蟹味香氣四溢，夠乾身，不俗。
加杯咖啡，埋單$759
回頭度～7/10
其實間嘢係一半西餐酒吧同一半泰菜，其實仲有好多選擇，另外當晚有live band 所以現場氣氛不錯，價錢係略高，但食物質素係比一般的高小小.算物有所值。
本人純粹食後分享，絶無收受任何利益及優惠，亦願意承擔所有責任。
