呢間川菜館水準好高，食材新鮮、味道正宗
廣東人都頂得順個辣度，性價比又高
麻辣魚皮
魚皮爽脆無腥味，麻辣汁調得啱啱好唔會死辣搶味
反而帶住少少芝麻香 開胃TOP1！
黃金墨魚餅
外層煎得金黃香脆，口感彈牙咬開仲有滿滿墨魚粒
夫妻肺片
牛肉、牛肚切得厚薄均勻，淋上紅彤彤嘅麻辣油
麻香十足，配青瓜解膩
招牌東大雞
肉質嫩滑唔柴，雞皮下邊仲帶有啫喱
配既自家製醬汁鹹香帶少少微甜，一款青椒醬辣得過癮
豬潤浸時蔬
豬潤切得好厚，滑溜溜冇腥味，白菜仔吸晒豬潤嘅鮮甜
湯汁，清爽又解辣，平衡返麻辣嘅刺激
甜品紅糖糍
外層煎得微微焦脆，入面軟糯煙韌，淋上濃郁嘅紅糖汁
甜而不膩，中和晒前面嘅辣味，幸福感爆棚！
