煮打菜打冷小菜館 (已結業)

每逢星期五六日，晚上就會出現排隊人群，所以都係選擇平日黎開餐啦！餐廳係筲箕灣立足左好多年，係口啤唔錯既潮洲打冷小菜。黎到又點可以唔食鹵水野呢？呢碟鹵水拼盤有鵝腸、豬腩肉、生腸、大腸、豬耳、紅腸、腎同墨魚。樣樣有，鹵得唔錯。個底仲有芽菜，吸晒啲鹵水精華，好有味道！生腸爽口豬腩肉薄片，唔肥。想講鵝腸好好味，好爽口！鹵水入味，好食！避風塘炒蝦第一啖食都幾辣，但食食下就慣左，幾惹味，中意食辣既一定會喜歡！蝦好大只，夠肉地，肉質亦爽口！惹味！楊州炒飯佢呢個飯好特別，有蝦有叉燒有菜外，最特別係個蛋！蛋絲好幼，食落有啲沙沙地既感覺，似咸蛋黃，撈埋食，個飯好鬆化好棉！yummy!菜式唔算好貴，有質素，唔怪得甘多人黎開餐！