安利魚蛋粉麵

今日星期六難得嚟到東區，就去試吓筲箕灣名物—-安利魚蛋粉麵🍜

我哋兩點左右到，都要等成10張枱。我哋叫咗碗三拼魚蛋魚片牛楠筋米粉;另一個叫咗碗魚蛋拼爽腩，爽腩要加$15。另外叫多咗份西多士。

店舖名物係賣魚蛋，魚蛋好彈牙不過朋友覺得有少少腥，米粉質感好好，牛腩牛筋爽腩好有驚喜！西多士即叫即炸，花生醬好香好crunchy! 奶茶茶味出! 好飲！

好可惜我地到訪個日係星期六，試唔到個炸魚皮! 想食嘅朋友，記住星期日先有提供!