粉制良品 (已結業)

依間小店係強調香港製造，即叫即整筲箕手工河粉，個樣同我地平時見到嘅河粉唔同，係比較似腸粉多啲！小店主要係做外賣生意，但店外有位比人立食。牛腩筲箕河粉$36牛腩整得好淋同好入味，除咗牛腩之外仲有牛筋，兩樣加埋都有唔少件！河粉食落好滑又掛汁，醬汁好入味，唔會太鹹，好好食！手撕雞筲箕河粉$36手撕雞肉一啲都唔鞋，配埋滑滑嘅河粉，真係超級正！配料仲有青瓜絲，花生碎仲有胡麻醬，加埋一齊食真係令到河粉香到不得了！