名館 (已結業)

等位等咗個多鐘頭，當剛叫完我地嗰號碼去取枱時，誰知突然見到有位樓面鬼鬼祟祟地走出嚟，並向5位疑似其朋友的人士揮手叫佢地入坐，仲疑似坐咗原本應該俾我地嗰張枱！！隨即個帶位就叫我地繼續等多陣，然後佢就不斷俾啲2位枱，3-4位枱及1張“7+”枱入坐由於大家已等咗好耐及等到好肚餓嘅關係，我地唯有繼續等，等多咗一輪，終於等到有位，個帶位帶我地入坐時，我地問點解叫完我地又要我地繼續等咁耐？佢就扮傻咁話張7+枱（應該大約10人左右）嚟先，但其實佢係叫我地個號碼先，而且我地等嘅枱類應該唔同。再者，點解叫完我地嗰號碼，又要我地繼續企喺門外等呢？？所以朋友忍唔住就話佢：我地咁多對眼明明睇住你地鬼鬼祟祟咁俾枱人，而且你叫我地先過嗰張“7+”枱，同埋張“7+”枱應該唔係我地等嗰類枱，仲死撐！！佢就唔出聲黑口黑面，“嘴苗苗”咁走返去繼續帶位！至於食嗰方面，因部分小食 / 餸菜份量不多，所以我地叫咗好多唔同款式試試，其中石窩鮑魚雞粒炒飯，鮮蝦什果沙律卷及鮮肉一口小籠包較為出色，炒飯熱烘烘又香口，仲有飯焦；沙律卷外皮脆卜卜，內裏有隻爽口嘅蝦；小籠包就好juicy，味道濃郁；其餘既就十分普通。至於甜品就……好難食，鮮