壽司郎 (麗新商業中心)

营业中

休息中

終於搵左一晚去試下呢間久仰大名既壽司郎，18點15分左右拎左飛，都要等到差唔到成20點先有得入座，果然大家都好鐘意食壽司郎🤣🤣不過我同朋友都唔係幾食生野，所以我地主攻鰻魚、蝦同蟹柳🤣，當然唔少得薯條！壽司郎啲薯條真係好香脆好好食😍😍唔怪得壽司郎會有薯條郎之稱！我地都忍唔住食左兩碟😋雖然我地唔食生野，但佢都有好多熟食壽司選擇，鰻魚/蝦都有幾款，所以唔食刺身/生野既人都有好多選擇👍🏻👍🏻整體黎講壽司郎唔算太貴，食品質素都唔差，如果唔洗等咁耐都食得過既🤣但真係因為等候時間太耐了，如果下次可以唔洗等既話都會想去再試多一次👍🏻