齊柏林熱狗店 (鱟地坊) (已結業)

買左團購，諗住星期日試下，點知唔用得，怪自己無留意，用正價照買。去到已經好多人排隊，嗌完等一陣，點知等左十分鐘仲未有，周圍行下唯有，都行左十幾分鐘再返去諗住應該有啦，居然仲未到我。再企多十幾分鐘先到我，好唔好味都算，熱狗應該算係快餐，等半個鐘真係覺得無咩謂。成隻食左落肚，無咩特別，一般味道，再試可能會，但唔會再排半個鐘等，我食嗰隻叫士林熱狗，仲試埋辣肉醬，真係無其他人講到咁誇張。