食過兩次，以為唔會伏，點知谷到一肚氣
今日主要有兩件非常惡劣嘅事：
1. 送錯檯，竟將食物丟棄，要我重新等候
樓面送錯我杯飲品去隔離檯客人，而該客人掂都冇掂過，樓面竟將成杯飲品倒咗
我講咗句「好浪費......」，樓面嗰位阿嬸居然用阿媽教女嘅語氣，叫我「唔好再講喇」
態度極差
2. 等候一小時先發現漏單，咩都冇得食
隔離檯客人遲過我哋唻，食完，走咗幾個字，我哋都未有得食
樓面雖然忙緊外賣（但堂食包括我哋只有三檯），但等太耐，唯有追單
而頭先嗰位樓面阿嬸，只敷衍話「焗飯會耐」，而冇入廚房追
但我哋話唔係焗飯，係燴飯，阿嬸又好敷衍咁望一望廚房，然後話「煮緊」
後尾見到師傅好得閒咁走出走入，唯有再追，先聽到師傅話「冇單喎」（！！！！！！）
呢個時候我哋已等咗接近一個鐘，一粒米都冇落肚
結果我哋以正價俾咗跟餐餐飲錢，谷住一肚氣走咗
我絕對唔會再幫襯
