凡直友里

营业中

休息中

真係第一次嬲到要打食評！！原本滿心歡喜見到網上食評好好諗住試吓，一心想試西班牙焗飯，所以即使知道要等半個鐘同埋好肚餓都照叫咗先，等咗四個字之後又叫咗一碟意粉。然後過咗半個鐘，由於已經到咗10點宵夜時段，又再叫咗兩樣小食，但係個焗飯仲未到。等咗40分鐘，仲係一樣野都未到，個意粉冇話要等都等咗4個字都仲未到，個飯已經係等咗8個字，問個侍應，佢話嚟緊整緊，咁好我繼續等。等咗50分鐘，依然一樣野都冇！！！問個貌似高級主管，幫我跟完之後又係答我整緊好快加句唔好意思，一副唔休做嘅樣，而隔離遲過我地入座的都已經食緊小食或鋸緊扒。最後等咗1個鐘，都依然仲係一樣野都冇，係咩都冇!!!!!!!!!!!!!!!!!!!!!!!!!!!!!! 然後主管仲要同我講意粉要等多5分鐘，飯要10分鐘，小食係冇提過幾時嚟，理由係今晚好多人！！WT!!!!!!! 真係嬲到即刻起身走！想問下邊間餐廳係諗住冇人幫襯？你理唔到咁多人就唔好開咁多張枱，開到鋪出面都有枱，然後答我一句多人就要我地等1個鐘，完全唔合理！從未試過一間餐廳要等1個鐘係咩都冇得食！以後都唔會再去！