咖啡亭 (已結業)

好耐無食自助餐，見呢間好評如潮於是黎食自助午餐。入到去個餐廳超細(比起去過既酒店餐廳黎講)，座位唔多，50個都唔知有冇。不過少人有少人既好，拿野食唔使點搶。食物同之前其他食評所講一樣，午餐係無生蠔蟹腳你食既，但沙律魚生熟食咖哩甜品樣樣都有，不過款式唔多，魚生都叫新鮮但有筋未清理好、龍蝦仔我拿左隻但一開見到條屎腸係樹當堂無晒胃口。螺同青口我唔岩無食。沙律配料唔多，連我最鐘意食既火腿都無？熟食有6款，有燒羊架、日式燒雞、泰式豬頸肉、燒魚、意粉同飯，每樣味道都唔錯。咖哩櫃位無乜人幫襯，我樣樣試左D，都OK。甜品有麵包布典我至愛加返少少分。整體黎講以2個人黎1個半價，即係每人以$160到既價錢，真係比返咁既價錢既野你食，算係咁上下。服務方面都OK，收碟算快，但真係無乜驚喜。