西麵 (已結業)

🥢屯門 超香濃雜菌黑松露意粉🥢之前一直 book mark 了一間專食意粉的良心小店，因為見到人post 啲意粉碟碟都勁多忌廉汁，個人最鐘意食好多汁的意粉，而這店是超級人氣店，所以要去的話都一定要有心理準備要排隊等位🥢當日星期一晚上大約8:30 左右等位，大約等7個號碼，最後等了一個鐘頭就可以就座🥢店面裝修風格全部由文宣加連儂牆組成，而且店入面播緊黃歌，店員都好風趣，唱下黃歌又會同你吹下水🥢升級套餐+$18 (餐湯，餐包咖啡或茶）餐湯今日是粟米忌廉湯，用新鮮粟米打成，入口有豐富的粟米成成蓉的口感🥢雜菌黑松露意粉 $60超強勁的黑松露香氣，而且超多汁，食落好 creamy ,而且份量幾大，食曬一個個好滿意足🥢蟹肉菠菜意粉 $68充滿幼滑濃厚芝士忌廉汁，而且沾上每一條意粉，附上少量磨菇及菠菜，意粉軟硬度剛剛好🥢香煎日本帶子 $28帶子是刺身級別，煎的火候剛剛好，表面香口，內部很滑，完全是一粒好好食的帶子🥢因為小店位置不多，需要等佢比較耐，食物水準真係意料之外咁好味，由其是黑松露意粉真係好想再去食多次西麵 地址: 屯門屯利街1號華都商場地下