HeySoNuts

聽聞土瓜灣有一間人氣特色咖啡店，咁啱又經過，時間尚早，不如試下。果然未見其店先見其「龍」，攞左張飛喺門口等位，等左一陣，服務員好貼心咁攞左啲花茶俾等候嘅人。門口有個富電影感嘅「Nutsgazine」大玻璃窗，喺窗前影相成為客人指定嘅動作。

電影感嘅Nutsgazine大玻璃窗

水吧枱伸延至餐桌，上面仲放左幾個冰滴咖啡壺，沖調師即席沖調各式飲品，與客人成一片。店內播住柔和嘅音樂，氣氛輕鬆。

1

水吧枱伸延至餐桌 沖調師同客人打成一片

我地點左意式特濃咖啡，用ESPRESSO 小杯盛著香噴噴，香濃口味，略帶苦味，最適合與甜品同吃，感覺諧和。

2

香濃回甘 配甜食感覺和諧

甜品方面，我地點左綠茶棉花糖法式奶凍，棉花糖甜絲喚起童年回憶，綠茶奶凍上面放滿紅豆蓉同朱古力粒，口感豐富，惟奶凍嘅綠茶味可以再濃啲，咁就PERFECT哂。

4

童年回憶 細味多重口感

來到呢度又點可以錯過窩夫呢，果然名不虛傳。呢個芒果窩夫配芒果雪糕個窩夫熱辣辣，外層脆卜卜裏面軟充滿蛋香，配芒果同朱古力醬，香香甜甜，冷中又有暖，口感多樣，正。

4

窩夫外脆內軟 十足芒果味香甜滋味

咖啡嘅甘苦與甜品嘅香甜，棉花糖嘅輕軟跟奶凍嘅濃厚，窩夫嘅暖同雪糕嘅冷，香脆與軟滑，百感交集，就是等一個人咖啡的滋味。