去到要排隊隊拎飛，呢嘢喺一樓，排隊要排到落地下！太誇張喇
兩點開始排，入到去，見到個天都灰灰地，個人都灰埋
去到叫咗冰鮮果茶，草苺冰淇淋鬆餅同咖哩牛腩法國咖哩面包！侍應貼心噤安排鹹點先上，甜品後上！
先上咖哩牛腩法國面包，法包有四塊，並唔脆
咖哩牛腩比不上茶餐廳嘅水準，好普通，有少少辣味噤囉，份量都喺得兩舊牛腩加一大舊薯仔，噤嘅價錢，唔抵食！明明喺menu上嘅推介，點解會噤嘅
嚟咗冰嘅鮮果茶喇！係咪好吸引呢！我覺得嘢飲係我呢餐最好食嘅
我見到有蘋果，菠蘿同橙！個杯度仲有一個冰嘅檸檬做冰添！可以冰住杯嘢飲嘅同時亦都有淡淡嘅檸檬味！正！鮮果茶本身係酸酸甜甜，好適合一路吹水時一路飲！份量其實係夠兩個人飲！！
等咗一陣，侍應就主動噤問我地可以上得甜品未，原來一直有留意我地！服務態度都係好好
之後無耐，個草苺冰淇淋鬆餅都上台喇，外觀上真係好靚！size都唔野小，多兩至三個人去分！除咗有四塊鬆餅之外，仲有雪糕球，草苺同草苺醬！一試就知中伏！鬆餅唔啲脆，係實同硬囉！好唔開心，難得嚟朝聖，竟然個質素唔嘅？同想像中差太遠！名不符實
總結嚟講環境好適合聚會，但食物就真係有保留
