鬼滷

营业中

休息中

第5次黎鬼卤食，重点系其实真系次次都有唔同感觉，中间有1次系失望过，可能系师傅心情唔好挂（讲笑je，可能一时失手挂）到第4次再比多次机会佢，又回复返好满意既出品，甚至系服务（变本加厉），好太多太详细啦讲解，有咩特别新鲜野都推荐晒。好，正题。果晚系成10点先去，都仲爆晒场咁，好彩系去既途中打定去问同留位。首先佢推荐酒醉鲍鱼，爽口弹牙入味。之后佢推荐条冻鱼，鱼肉滑到吓亲，咸味岩岩好，鱼既熟度亦刚好，仲咁贴心见我地食完一面仲剪埋条骨唔使我反鱼。我5次黎都必点：世一普宁豆腐，3个人食左2碟15件，唔使再介绍，必点既。兰王蛋蚝饼，我最爱但系可惜中间果次失望就系因为蚝饼。不过今次改善左，蚝仲大只左，正。卤水拼盘，唔同左啲，浓郁左味道但系唔系咸，唔好误会，一样好好食，尤其鸡，鹅肉，鹅肠好好食。仲有饮品个罐好特别。简单讲，可以5次覆卓一定有原因，因为好好食，铜锣湾黎讲又唔算贵，可以一试再试。