麵麵 (已結業)

今次係我第2次食【麵麵】，第一次都係偶然發掘，一試就好難忘，佢個湯，同d魚麵~!今次突登係Book左位! 因為好想食多次魚麵。.今次閒日去，人唔算多，但員工好似好忙咁，都無乜時間好好招呼客人。亦無好好咁解釋個訂座優惠。(最後，唔知點解佢話咩飲品跟餐會抵D，就無幫我用個優惠。) 一坐低，除左menu，仲會派2個信封比你袋口罩，幾貼心。等左陣先有人拎menu，佢仲會擺低2小杯湯，尼2小杯湯簡直係精華，亦都係尼小杯湯最吸引到我。.今次都係叫左一個"撈"一個"湯"，一個魚麵，一個魚烏冬。湯個個叫左【西班牙煙燻黑毛豬魚湯料理】(晚市套餐)，個湯轉左花膠濃魚湯，麵就揀魚麵，感覺比起豚骨魚湯再濃啲，不過始終比啲麵沂淡左，下次會追加一碗魚湯~!黑毛豬鹹鹹香香，配左個甜甜酸酸嘅汁，不過佢個形式係薄片，有啲似肉乾。可能係想用啲重味野去配個魚麵~魚麵似然咁好食~!!!!撈個個叫左【咖哩吉列豬扒拌魚烏冬】，完全係驚喜~!!!無諗過咁夾咁好食~! 個咖哩好正，本身有一篤cream，撈埋會傑身啲，個咖哩味道都比較特別，唔似日本咖哩個種甜，有豐富香料味，亦有啲海苔味，吉列豬扒正常~都夠熱~滿足的一餐~!