影片
更多
2011-04-03
10 浏览
今日難得同父母過海, 佢地又鐘意飲奶茶, 就同佢地由中環碼頭行去蘭芳園, 話哂d奶茶都出名(雖然自己上次試左只係覺得滑d, 冇乜太特別), 但見d食評都話舊店好d, 點知行到去舊店星期日原來唔開....又會咁既, 但都一場行到上去, 就去新店啦...9點都好多人, 3個人佢叫我地坐左4人枱(已經有位好肥既人士坐左一個位, 個位又窄, 點坐呀!!!!!!)個呀姐既態度仲好差, 用普通話同我地講:" 你地坐唔坐呀, 唔好阻住哂!", 大佬, 坐到先得ga!!!!!個門口阿姐態度好少少, 叫我地出一出去門口1等, 俾另一張大d既我地..早餐都唔平, 雞翼+五香肉丁出前一丁($27), 凍奶茶(加$2) - 父母食, d餸ok, 但係我父母食完覺得唔係出前一丁lor.... 佢地話出前一丁唔係咁既texture, 我唔敢評論, 一係個師傅煮得唔好, 一係真係唔係出前一丁!!!!芝士咸牛脷包+奶茶 ($26) - 芝士咸牛脷包細細個, 但都足料, 幾好食, 但唔夠熱, 雖然已經係即製,芝士唔溶.....油占多 ($10) - 即製夠鬆軟, 呢個最好......凍奶茶 - 我 daddy話..."
9點都好多人, 3個人佢叫我地坐左4人枱(已經有位好肥既人士坐左一個位, 個位又窄, 點坐呀!!!!!!)
個呀姐既態度仲好差, 用普通話同我地講:" 你地坐唔坐呀, 唔好阻住哂!", 大佬, 坐到先得ga!!!!!個門口阿姐態度好少少, 叫我地出一出去門口1等, 俾另一張大d既我地..
早餐都唔平, 雞翼+五香肉丁出前一丁($27), 凍奶茶(加$2) - 父母食, d餸ok, 但係我父母食完覺得唔係出前一丁lor.... 佢地話出前一丁唔係咁既texture, 我唔敢評論, 一係個師傅煮得唔好, 一係真係唔係出前一丁!!!!
芝士咸牛脷包+奶茶 ($26) - 芝士咸牛脷包細細個, 但都足料, 幾好食, 但唔夠熱, 雖然已經係即製,芝士唔溶.....
油占多 ($10) - 即製夠鬆軟, 呢個最好......
凍奶茶 - 我 daddy話..."差", 冇特別, 仲要好淡....
奶茶 -上次我lunch飲係唔熱既, 得個暖字, 今次熱啦.....但係都係滑d lor比出面,媽咪話"寶馬山o個間茶餐廳仲好飲,呢度15一杯唔值lor", 我未飲過寶馬山不便評論, 但相比我上星期係勝香園飲既奶茶, 人地又平d, 仲要好香茶味lor....態度仲好d tim.....
出名又如何?? 由於服務態度好差, 如果我係遊客, 對香港印象都唔會好!!!店主真係要改善一下!!(我上次食評都有提過)
张贴