影片
更多
2017-01-24
448 浏览
第2次幫襯極尚大喜屋 以放題的水準黎講呢間其實係數一數二 絕對唔差刺身新鮮 款式也算足夠 而且有我最愛的霸王花豬骨湯同埋炸貓山王！但係第2次黎個服務同第1次Walk in入黎食時 真係差天共地！不知所謂！論用餐時情況 第1輪上菜速度超快 但收碟速店極慢遞放題紙時成日都要遞好耐先有人黎收而且食到去7:00-7:35分時 幾乎無上過菜咁濟 等左30分鐘途中只係上左3碗湯 1條串燒 仲同我講話爭1碗湯要過多陣先會唔會過份左d？只能說放題時間2個半鐘 然後咁樣強行去左半個鐘 其實生意都幾好做就算再幫襯都唔會特登預約 亦唔會揀假日黎莫講話幫人慶祝生日 就算要黎都請大家三思 除非你對茶餐廳的服務不感冒
题外话/补充资料：
其實今次係幫朋友慶祝生日 早係12月尾/1月頭時已經打去預約 就係希望到時有個好位置 食得又坐得
但當日又係港鐵超繁忙時間 到達極尚大喜屋時已經6:15 遲了15分鐘
結果前枱店員好似有心玩野咁安排我地4個坐係門口第1張的超級角落枱！
當客人們入黎時 自動門1開 就會掀起1陣大風的枱！
而且頭頂個冷氣超大風 吹到個頭正一正 頭都痛！
原本心諗因為自己遲到 打算作罷時
突然比我見到陸續1批又1批的客人行入黎
店員仲問佢地：hello~~訂左枱呀? 坐入面丫~~
聽到後即時火都滾 然後問店員點解人地遲過我地 但係可以坐入面既靚位
但係前枱店員卻強調佢地係準時黎 而我地遲到！
其實好好笑 因為你地的預約時段係得6:00同8:30揀 當時已經係6:25分
請問佢地點解反而係叫準時而唔係遲到呢?
但係店員聽到後只係施施然又串串貢咁講左句：入面係有位丫 但係3人位黎 要搭枱 你制唔制丫？
小姐 我地4個人 點樣坐3人枱？
(以上食记乃用户个人意见 , 并不代表OpenRice之观点。)
张贴