影片
更多
2022-12-21
926 浏览
今日請咗半日假，約咗阿媽去試下新嘢🥳呢間鐵板燒店有幾款套餐，方便選擇困難嘅朋友，亦都可以選擇單點。因為驚份量太多，同埋可以揀d特別想食嘅材料，所以選擇咗單點😇越南特大虎蝦 $108/隻隻蝦非常大隻，煎嘅時候，蝦膏爆曬出泥，亦成為咗個汁，配番蝦肉上碟。未食已經聞到好香，碟邊配咗蝶豆花柚子海鹽泡泡，提供到清新同微微鹹味。蝦肉非常彈牙，蝦膏香濃！不錯不錯！☺️ 廣島蠔 $108 (3隻)好多汁、好大隻、好肥美，加d柚子鹽泡泡，可以減低油膩感、好夾！😀底下嘅蒜蓉配菜，好香好惹味。北海道刺身級帶子 $138/隻用左意大利黄瓜、魚子醬、北海道帶子。睇openrice係有兩粒，但佢哋改咗做一粒。因為換咗另一款大粒版，口感更加豐富，肉質彈牙結實！帶子下面係意大利黃瓜，爽口清新！💨宮城縣厚切黑豚肉 $288結實彈牙，幾好食；特別係帶少少筋同脂肪嘅位置，更加有口感同多汁！😍澳洲牛柳粒 $238幾腍身幾滑，點咁半成熟，都控制得唔錯。佢有炸蒜、岩鹽同山葵俾你配搭，我比較喜歡鹽☺️簡單好味和牛炒飯 $299非常有溫度！因為加入咗和牛脂肪炒，個飯充滿香濃牛脂氣味。口感豐富，日本米粒粒分明有咬口，夾雜蛋碎、雜菜。好完滿
呢間鐵板燒店有幾款套餐，方便選擇困難嘅朋友，亦都可以選擇單點。
因為驚份量太多，同埋可以揀d特別想食嘅材料，所以選擇咗單點😇
越南特大虎蝦 $108/隻
隻蝦非常大隻，煎嘅時候，蝦膏爆曬出泥，亦成為咗個汁，配番蝦肉上碟。未食已經聞到好香，碟邊配咗蝶豆花柚子海鹽泡泡，提供到清新同微微鹹味。蝦肉非常彈牙，蝦膏香濃！不錯不錯！☺️
廣島蠔 $108 (3隻)好多汁、好大隻、好肥美，加d柚子鹽泡泡，可以減低油膩感、好夾！😀底下嘅蒜蓉配菜，好香好惹味。
北海道刺身級帶子 $138/隻
用左意大利黄瓜、魚子醬、北海道帶子。睇openrice係有兩粒，但佢哋改咗做一粒。因為換咗另一款大粒版，口感更加豐富，肉質彈牙結實！帶子下面係意大利黃瓜，爽口清新！💨
宮城縣厚切黑豚肉 $288
結實彈牙，幾好食；特別係帶少少筋同脂肪嘅位置，更加有口感同多汁！😍
澳洲牛柳粒 $238
幾腍身幾滑，點咁半成熟，都控制得唔錯。
佢有炸蒜、岩鹽同山葵俾你配搭，我比較喜歡鹽☺️簡單好味
和牛炒飯 $299
非常有溫度！因為加入咗和牛脂肪炒，個飯充滿香濃牛脂氣味。口感豐富，日本米粒粒分明有咬口，夾雜蛋碎、雜菜。好完滿嘅結尾！🥳
啤酒 $88/ 杯
香口嘢最啱飲吓啤酒！最近有Red horse同Kirin選擇，Red horse係第一次飲，都唔錯，比較fruity同埋甜d。🤤
张贴
