影片
更多
2008-07-10
1 浏览
7月5日, 82週月快樂~ *8*去完Grand Cinema睇功夫熊貓, 漫步到尖沙咀~ 晚餐最後決定到Our Wonderland吃pizza和pasta~ 之前我同呀比都分別同朋友黎過呢度食, 覺得佢d食物都幾唔錯的!我地點了個2人前set dinner $238. 有餐湯+麵包+小食一客+意粉一碟+pizza一個+飲品. 另外仲叫了甜品芒果拿破崙餅~ 好飽飽呀!::: 雜菜湯+麵包 ::: 呀比個碗好多雜菜粒但我個碗就冇乜, 分湯唔勻bor! 個湯味道清淡, 似係用雜菜煲完不加任何調味既感覺! 可以加D tabasco吊味~ 麵包係foccacia, 有4件, 不過唔夠熱同放軟韌了. 切成一個小長三角形, 伴著橄欖油同黑醋一齊食. 酸酸地好開胃~::: 意式炸雞搥 :::比想像中大堆頭! 足足有4隻大雞搥疊在一起! 皮整得好脆好惹味~ 啖啖肉~ 點埋個少少辣既芥辣醬~ 不錯! ::: 雜菌雞絲意粉 :::除了雜菌雞絲仲有忌廉汁的~ 雖然材料好似好清但係食落又好濃味~ 雜菌很有咬感雞肉都幾嫩~ 真係唔錯~ 不過食到底剩番好多油, 感覺膩左d…::: 吞拿魚芝士薄餅 :::都唔明點
去完Grand Cinema睇功夫熊貓, 漫步到尖沙咀~ 晚餐最後決定到Our Wonderland吃pizza和pasta~ 之前我同呀比都分別同朋友黎過呢度食, 覺得佢d食物都幾唔錯的!
我地點了個2人前set dinner $238. 有餐湯+麵包+小食一客+意粉一碟+pizza一個+飲品. 另外仲叫了甜品芒果拿破崙餅~ 好飽飽呀!
::: 雜菜湯+麵包 :::
呀比個碗好多雜菜粒但我個碗就冇乜, 分湯唔勻bor! 個湯味道清淡, 似係用雜菜煲完不加任何調味既感覺! 可以加D tabasco吊味~ 麵包係foccacia, 有4件, 不過唔夠熱同放軟韌了. 切成一個小長三角形, 伴著橄欖油同黑醋一齊食. 酸酸地好開胃~
::: 意式炸雞搥 :::
比想像中大堆頭! 足足有4隻大雞搥疊在一起! 皮整得好脆好惹味~ 啖啖肉~ 點埋個少少辣既芥辣醬~ 不錯!
::: 雜菌雞絲意粉 :::
除了雜菌雞絲仲有忌廉汁的~ 雖然材料好似好清但係食落又好濃味~ 雜菌很有咬感雞肉都幾嫩~ 真係唔錯~ 不過食到底剩番好多油, 感覺膩左d…
::: 吞拿魚芝士薄餅 :::
都唔明點解佢會貴過雜錦pizza, 唔通罐頭吞拿魚好值錢? d芝士加埋吞拿魚個味有d苦苦地, 唔係好夾~ 不過pizza底係可取既~ 薄批底好似麵粉做的餅乾甘~ 幾脆幾好味~ 而且薄得黎成塊拎起都夠挺身唔會dur皮~ 讚~!
::: 芒果拿破崙餅 ::: $40
賣相好靚好豐富~ 三層拿破崙上面都有吉士醬, 忌廉同芒果粒~ d餅微甜而且脆卜卜~ 同埋每塊酥皮真係分到好多層~ 食完令人好滿足keekeekee~
呢度環境暗暗地台上面都點上一支蠟燭~ 我地去個晚仲有live jazz performance~ 感覺真係好浪漫同埋超幸福呀~ 成餐飯食左成2個鐘. 夜晚呢度仲會較暗燈光比人飲野添~ 真係一個撐枱腳或者同朋友gather既好地方!
张贴
