翔壽司 (已結業)

今日同朋友行尖沙咀，行到厚福街見到有間新開既立食壽司，係企係度食，所以入去食下。之前去日本旅行都未試過，估吾到會係香港見到，好有風味。今日係平日夜晚，估吾到有咁多人黎食，所以等左一陣。之後侍應幫我地安排位置，重有得睇師傅整壽司。首先，我地叫左三款刺身，有三文魚、甜蝦同油甘魚，色澤幾令，食落重非常鮮甜，好有口感。之後，我地叫左$158自選10件壽司，有吾少款色可以揀。賣相確係吾錯，魚生好有色澤，食到咁多款真係好滿足。帶子壽司魴鮄壽司火炙三文魚腩壽司真鯛壽司，清鮮甜美。吞拿魚壽司，色澤均勻。火炙鰈魚邊壽司，係比較淡味既魚，炙燒後更香口。赤蝦壽司，肉質豐厚，口感豐富，好好食。