大興餐廳 (第尾牛扒) (已結業)

呢個下雨天走左過黎呢間食，入到去覺得好有懷舊既感覺。猶如時光倒流唔知幾多年一樣。佢地好快問您餐湯要乜，總之好有效率啦。羅宋湯幾好飲架，好重蕃茄味。又有小小牛肉個湯到，好足料同有小小辣椒仔個湯到，辣辣地好開胃。鐵板牛扒都係黑椒汁架啦，黑椒汁個味都幾重。不過又唔會太辣既。而牛扒都算大件，又有肉味同都好有肉汁。幾好啦，伴碟既薯條好脆口。隔離仲有一碟仔既飯，撈落黑椒汁好正架。凍奶茶無乜特別，唔係好飲都唔係難飲。甜品係青檸jelly，裡頭仲有雜果。個甜品唔算太甜，幾得意既。其實個食物都唔錯，服務就差小小啦。無乜人行過會理下我地。